Was is des fia a Gfühl, waunst hoamkumst nach launga Roas ... Hans-Dieter Mairingers Gedicht zum vierten Adventsonntag.
Eine Aktion von KirchenZeitung und Kommunikationsabteilung der Diözese Linz. Vierter Adventsonntag
Ausgabe: 2016/50
13.12.2016 - Hans Dieter Mairinger
Was is des fia a Gfühl, waunst hoamkumst nach launga Roas. Du umarmst oille, desd so laung schau nimma gseng hast, und gspiast, wia gern dass’ eich nu oiweu habts.
Du setzt di eini in de guade Stubn und gspiast, wia ois Schware auf amal leicht wird und sche. Du hast des Gfühl, dass jetzt ois guat worn is, so wia damals in dera Nacht a ois guat worn is, wia des Liacht kuma is, des Kind in da Krippn.
Jetzt is oille Sorg und Aungst wia weggwischt, jetzt is ois guat wia des Hoamkuma nach launga Nacht, des Hoamkuma nach launga Roas.