KOMMENTAR_
Gemeinsam
TEXTE VON LESER:INNEN
© congerdesign auf Pixabay
Gemeinsam ko ma fü erleb`n
Gemeinsam sicha a mehr geb`n
Gemeinsam ko ma a mehr schoff´n
und braucht dazua a koane Woff´n!
Wos in Europa grod passiert,
des Drama im Ukraine Kriag,
Milliarden werd´n gespendet,
des nur im Blutvergießen endet.
In Israel is a net gscheida,
a do schiaßt jeda munta weida,
a Menschenleben is nix mehr wert,
wos do passiert, gwis gonz vakehrt.
Fia Woff´n geht des Göd nia aus
und bombadiert as Krankenhaus
und a so moncha Kindagoart´n ,
braucht auf die Bomb`n net long woart`n.
Wos soi denn aus die Leit dort werd`n,
de jahrelong nur Kriegslärm hear´n,
nächtelang net schloff´n kinan,
koan Tog erleb`n wos locha kinan.
Es gabat, heat ma, gscheidi Leit,
doch frog i mi, wo san de heit,
wonns haosst, mia soin an Fried`n schoff`n,
donn des geht sicha net mit Woff`n.
Durchs red´n do kemman d`Leit do zom,
so glaubt ma und es wa a Traum,
wonn si Oana find`n tat,
der des in Hond nimmt, wa net spat.
Lösungen de gabats scho,
doch kimmt des wieda net guat oh,
denn schlißli ko ma a mit Woff´n,
neichi Oabatsplätze schoff`n !
Probleme het ma so scho gnua,
de Stürme nehman jährlich zua,
amoi is zdruka, donn wieda znoss,
zan lös´n gibt’s do oiwei wos.
Gemeinsam kunnt ma, des a schoffn,
gemeinsam und gonz ohne Woff´n,
gemeinsam guadi Ziele setzn,
und den Ondan net valetz´n!
Jetzt die